Sei garaipen lortuta, zazpigarrenaren bila doaz Realeko neskak
(Argazkia: Reala) 
Realeko neskek duten bolada onarekin jarraitu nahi dute asteburuan. Sei garaipen lortuta, zazpigarrenaren bila doaz Levanteren aurka. Igandean jokatuko dute 16:00etan Zubietan. Gizonezkoak ere aukera aprobetxatu nahi dute lidertzari eusteko. Une honetan berdinduta daude Real Madrilekin eta Atletiko Madrilekin. Mallorca hartuko dute bihar Anoetan.
Eskubaloian, Europa Ligako Q2 kanporaketako joanekoa jokatuko du etzi Bera Berak. Aurrez aurre, Frantziako ligako talde sendoenetako bat izango du: Paris 92. Gascan izango da neurketa 12:00etan.
Izotz hockeyan, Txuri Urdinen bi taldeek garaipena behar dute bakoitzaren helburuak betetzen jarraitzeko. Neskek Puigcerdaren pistan jokatuko dute, eta mutilek etxean Huarteren kontra. Belar hockeyan, berriz, Realak azken galerei buelta eman nahiko die Junior taldearen kontra.
Azkenik, saskibaloian, Ibaeta Basketek joan den astean lehen partidua irabazi zuen Estudiantesen kontra. Bolada txarra apurtu arren, azken aurreko postuan jarraitzen dute eta irabaztea komeni.
PARTIDAK
Futbola
Gizonezkoen lehenengo maila, 9. jardunaldia
- Reala – Mallorca (larunbata, 21:00).
Emakumezkoen lehenengo maila, 7. jardunaldia
- Reala – Levante (igandea, 16:00).
Eskubaloia
Europa Ligako Q2 kanporaketa (joanekoa)
- Bera Bera – Paris 92 (igandea, 12:00).
Izotz hockeya
Gizonezkoen lehenengo maila, 5. jardunaldia
- Txuri Urdin – Huarte (larunbata, 21:00).
Emakumezkoan lehenengo maila, 4. jardunaldia
- Puigcerda – Txuri Urdin (larunbata, 22:00).
Belar hockeya
Emakumezkoen ohorezko maila, 6. jardunaldia
- Reala – Junior (igandea, 11:00).
Saskibaloia
Emakumezkoen lehenengo maila, 5. jardunaldia
- Zaragoza – Ibaeta Basket (igandea, 18:45).
