Liherrek 'Nor zaren ere' argitaratu du, bere laugarren diskoko lehenengo singlea
Liher talde donostiarra, zuzenean. (Argazkia: Xalba Ramirez) 
Liher rock talde donostiarra bueltan da, laster argitaratuko du bere laugarren diskoa: Eta hautsa zen helmuga. Azaroaren 4an ikusiko du argia lan horrek, baina lehenengo singlea entzungai dago jada: Nor zaren ere. Andoaingo Garate estudioan grabatu eta nahastu dute abestia, Kaki Arkarazoren eskutik. Bideoklipa Taomek grabatu eta muntatu du, 2021eko urriaren 15ean egin zuten zuzeneko batean irudiak grabatu ostean.
