Nartziso horiz osatutako alfonbra bat Frantzia Pasealekurako
(Argazkia: Donostiako Udala9 Donostiako Udaleko lorategi saileko langileek Frantziako Pasealekuko lorategietako soropila kendu dute aste honetan eta 130.000 nartziso-erraboil hori landatu dituzte.
Hasierako egunetan, erraboilak landatzeko prestakuntza fasea abiatu dute. Soropil zatiak kendu dituzte, eta denboraren poderioz metatu diren harriak kendu dituzte. Soropil zatiak berriro jarri dira azken egunotan, eta erraboilak eskuz landatu dituzte. Klimatologiak laguntzen badu, urtarrilean edo otsailean loratuko dira.
Marisol Garmendia Ekologia zinegotziak adierazi duenez, “belardia itxi beharko da erraboilak sortzen hasten direnean, une horretan oso sentikorrak baitira zapaltzeko. Beharrezkoa da guztiok lorategiak errespetatzea eta zaintzea, batez ere maskotak daramatzatenek, loreen hazkundean eraginik ez izateko”.
