San Silvestre lasterketan izena emateko epea ireki dute
(Argazkia: Inaxio Esnaola) 
Aurten bai. Urteari bukaera emateko, abenduaren 31n, 36. San Silvestre Donostiarra egin ahal izango da. 7,7 kilometroko ibilbidea izango du eta 16:00etan abiatuko da Amarako Easo plazatik. Leku berean izango du helmuga Donostia zeharkatu ondoren. San Silvestre txikia ere egingo dute abenduaren 26an, 11:00etan.
Izen-ematea irekita dago lasterketaren webgunean. Orain eginez gero 12 euro balio ditu, eta abenduaren 27tik aurrera 17 euro ordaindu beharko dira.
