EHUk Arte Ederren eraikina kontserbatzeko deia egin du
Arte Ederren eraikina. (Argazkia: Lide Ferreira) EHUko Artearen Historia eta Musika Sailak Donostiako Arte Ederren eraikinarekin lotutako azken gertaeren inguruko kezka adierazi du ohar baten bidez.
“Gure ondarearen zein memoriaren funtsezko elementua den heinean, eraikina kontserbatu dadin eskatzen duten lekuko entitate anitzen zein nazioarteko Monumentuen eta Lekuen Kontseiluaren (ICOMOS) deietara gehitu gara”. “Eraikina Espainiako zinematograforik zaharrena da, eta baita Europako azpimarragarrienetakoa ere. Turismo-pisuetan bihurtzeak argi erakusten du interes pribatuak publikoen gainetik ezartzen direla; hiri-paisaia degradatzen da honela, eta hiria turistei eta ez biztanleei zuzendutako espazio gisa definitzera bideratzen du”, azaldu du.
Era berean, Donostiako Udalak eta Eusko Jaurlaritzak esku hartu beharko luketela adierazi du, “Donostiaren izaera eta morfologia definitzen duen funtsezko eredu hau galdu ez dadin”.
