Dbusek aldaketak egingo ditu igandean bere autobus lineetan, maratoia dela eta
Dbuseko autobusak Bulebarrean. Irati Salsamendi 
Donostiako Maratoia egingo dute igandean, hilaren 28an, eta eragina izango du hiriko zirkulazioan. Horregatik, hain zuzen, Dbusek aldaketak egingo ditu bere autobus lineetan, 08:20etik 14:00etara, gutxi gorabehera. Horrez gain, 38 linean eta TB6 linean izan ezik, gainontzekoetan doakoak izango dira bidaiak 07:20etik 13:00etara, maratoiaren antolatzaileek euren gain hartuko baitituzte bidaia horien kostuak. Igande goizean aldaketak jasango dituzten lineen moldaketak Dbusen webgunean kontsultatu daitezke.
