Bidebietako Gabonetako argien lehiaketa abiatu dute
Bigarrenez antolatu dute Bidebietako Gabonetako argien lehiaketa. (Argazkia: Bidebietako Auzo Sarea) 
Gabonak heltzear dira, eta Bidebietako Auzo Sareak Gabonetako argien bigarren lehiaketa antolatu du, Argitu zure balkoia eta eraman turroia! lelopean. Bizilagunak euren balkoi eta leihoak eta establezimenduak euren erakusleihoak apaintzera animatzeko antolatu dute lehiaketa, eta auzoko establezimenduen laguntzarekin osatu dituzte sariak.
Gaur, hilaren 6an, abiatu dute lehiaketa, eta hilaren 20ra arte hartu daiteke parte. Horretarako, argiztapenaren bi argazki bidali behar dira gutxienez, bidebietalapazgureauzoa@gmail.com helbide elektronikora. Lehiaketaren oinarri guztiak hemen kontsultatu daitezke. Establezimenduen zein norbanakoen kategorietan, Gabonetako jakiz eta edariz osatutako bi saski dituzte sari gisa.
