Abisu horiak eta laranjak, euria, haizea eta olatuak direla eta
(Argazkia: Hitza) 
Donostiako Babes Zibilak jakinarazi duenez, datozen egunetan hainbat abisu izango dira indarrean, olatuak, euria eta haizea direla eta. Hain zuzen, euri iraunkorrarengatik, alerta laranja ezarri dute ostiraleko 15:00ak arte; haizearengatik, abisu horia ezarri dute ostiraleko 12:00ak arte eta, olatu handiengatik, abisu laranja ezarri dute ostiraleko 14:00ak arte. Azken kasu horretan, ostiraleko 14:00etatik aurrera, abisu horia egongo da indarrean, egun osoan zehar.
Horrela, Pasealeku Berriak ibilgailuentzat itxita jarraituko du, ostiraleko egun osoan zehar. Era berean, udalak gomendatu du oinezkoak tentuz ibiltzeko handik.
