Kubo Kutxak Jose Antonio Sistiagaren atzera begirakoa inauguratuko du ostiralean
Kubo Kutxa aretoak ‘De rerum natura’ aurkeztuko du, Jose Antonio Sistiagaren (1932, Donostia) atzera begirakoa. Sistiaga ezinbestekoa izan zen Euskal Herriko forma artistikoak berritzeko mugimenduaren baitan; mugimendu horren ondorioz sortu zen GAUR taldea 1965ean. 100 piezatik gora bilduz, José Antonio Sistiagak naturarekiko duen kezka iraunkorra erakutsi nahi da, artistak naturarekiko lotura erromantiko bat baitauka, naturaren edertasunean eta indarrean oinarritua.
GAUR taldetik bizirik den azkena aurretik beste erakusketa batzuetako protagonista izan bada ere, inoiz ez da tamaina honetako erakusketarik antolatu. Jean-Michel Bouhoursek komisariatu du ‘De rerum natura’ izenburupean, eta ehun pieza baino gehiago bilduko ditu, pinturen, filmen eta lan didaktikoaren artean.
Euskal Herriko mugimendu piktorikoaren berrikuntza ezin da ulertu Sistiagaren lanik gabe, 60ko eta 70eko hamarkadetako testuinguruan engranajetik haratago doana, garai hartan eman baitzion GAUR taldearen ideia Amable Ariasi. Sistiagaren pinturatik at dauden lanak ezinbestekoak dira artista ulertzeko. 89 urteko donostiarrak munduko zinemako lehen film luze abstraktua sortu zuen, Ere erera baleibu izik subua aruaren, eskuz margotutako 108.000 fotogramaz osatua.
Erakusketa urtarrilaren 28tik maiatzaren 22 arte egongo da ikusgai honako ordutegiarekin: asteartetik igandera: 12:00-14:00 | 16:00-20:00
