Txanpontxo jaietako marrazki lehiaketa abiatu dute
2019ko Txanpontxo jaiak. (Argazkia: Beñat Parra) 
Bi urteko geldialdiaren ondoren, Bidebietako Txanpontxo jaiak antolatuko dituzte aurten berriz ere, eta auzokoak prestaketa lanetan dabiltza dagoeneko. Hain zuzen ere, haurrentzako marrazki lehiaketa abiatu dute, eta marrazki irabazlea jaietako egitarauaren azalean argitaratuko dute. Bigarren postuan gelditzen dena, aldiz, kontrazalean argitaratuko dute.
Lehen hezkuntzako lehenengo mailatik seigarren mailara arteko haurrek ahal izango dute parte hartu, gurasoen laguntzarik gabe. Marrazkiek Txanpontxo jaiei egin beharko diete erreferentzia, eta aurkezteko epea apirilaren 1etik 8ra izango da. Marrazkiak txanpontxojaiak@gmail.com helbidera bidali beharko dira aipatu epea, haurraren izen-abizenak, adina eta eskola zehaztuta.
Marrazki guztiak lehiaketaren Facebookeko orrialdean argitaratuko dituzte, eta apirilaren 9tik 12ra Atsegin dut gehien jasotzen dituztenak izango dira irabazleak. Jaiak maiatzaren erdialdean egin ohi dituzte Bidebietan.
