22. Korrika
Korrika Altzara iritsi da dagoeneko, gazteen eskutik
Altzan ehunka gaztek hartu dute parte Korrika Gaztean. (Argazkia: Beñat Parra) 
Astebete pasatxo gelditzen da 22. Korrika Donostiara heltzeko, baina Altzan dagoeneko aritu dira euskararen alde korrika egiten, Korrika Gazteak auzoko kaleak zeharkatu baititu eguerdian. Altzako eta Bidebietako institutuetako ehunka gaztek hartu dute parte, eta San Martzial plazatik Harria parkera joan dira, tipi-tapa, tipi-tapa, elkarri lekukoa pasatzen, giro ederrean. Aurtengo berritasunetako bat dira Altzako eta Intxaurrondoko Korrika Gazteak (Intxaurrondokoa datorren ostiralean egingo dute); ohiko Korrika Txikiez gain, Korrika Gazteak ere egingo dituzte.
Jarraian, hedabide honek Altzako Korrika Gaztean grabatutako bideoa:
