Renfek Herrerako geralekuan egingo dituen lanek eragina izango dute pasealekuan
Herrerako geltokia. (Argazkia: Joseba Parron San Sebastian) 
Herrerako pasealekuak zenbait kalte izango ditu datorren apirilaren 25etik aurrera, Renfek geralekuaren inguruan egingo dituen linea elektrikoa egokitzeko lanen ondorioz. Obrak apirilaren 25ean hasiko badira ere, eragina hilaren 30ean hasiko da, gaueko ordutegian, 00:15etik 05:45era, eta bi aste iraungo du (maiatzaren 13ra arte).
Ordu tarte horretan, Herrerako pasealekua Jose Elosegi Alkatearen hiribidearekin duen elkargunearen eta Larrerdi plazaren ondoan dagoen trenbide arkuen egiturarekiko elkargunearen arteko tartea erabat moztuta egongo da. Gainerako lanak egunez egingo dira, trafikoari eragin gabe.
