Grosen gizon bat labankadaz hiltzeagatik kondenatuak EAEko Auzitegi Nagusian helegitea jarri du
Katalunia plaza. (Argazkia: Nerea Lizarralde) 
Donostiako Gros auzoko Katalunia plazan gizon bat 41 labankadaz hiltzeagatik hogei urteko kartzela-zigorra ezarri zioten gizonak bere zigorraren aurkako errekurtsoa aurkeztu du Euskal Autonomia Erkidegoko Auzitegi Nagusian (EAEAN). Hilketa 2014ko martxoaren 14an gertatu zen.
Efe agentziak adierazi duenez, defentsak bere errekurtsoan eskatzen dio EAEANri bere bezeroari salbuesle bat aplikatzeko, osoa edo osatu gabea, gertakarien unean drogak eta alkohola kontsumitzeagatik erabateko intoxikazio-egoera batean jardun izateagatik, eta horrek krimena egitean bere ahalmen intelektuala eta borondatezko ekintzak aldatu zituelako.
Era berean, bigarren salbuesle bat aplikatzea ere eskatu du, osoa edo osatu gabea, erailketaren unean kokainaren ohiko kontsumoak eragindako alterazio psikiko baten eraginpean egoteagatik.
