Andres Hernandez eta Lucia Martin-Portugues garaile Nazioarteko XVI. Eskrima Txapelketan
Nazioarteko XVII. Eskrima Txapelketan hartutako irudi bat. (Argazkia: Fortuna K.E.) 
125 tiratzaile baino gehiago bildu ziren larunbatean Pio Baroja kiroldegiko instalazioetan. Fortuna kirol elkarteak antolatuta, Gipuzkoako Foru Aldundia Nazioarteko XVII. Eskrima Txapelketa eta Mertxe Uzal memoriala egin ziren bertan, Sable modalitatean. Espainia, Kolonbia, Venezuela, Uruguay eta Argentinako klub guztietako jendea etorri zen txapelketara.
Gizonezkoetan, Andres Hernandezek, Madrilgo Eskrima Klubeko tiratzaile madrildarrak, bere taldeko Madrigal gainditu zuen finalean. Podiuma Madrilgo Eskrima Klubeko beste bi taldekidek osatu zuten: Iñaki Bravok eta Joaquin Gonzalez-Carvajalek.
Emakumezkoen kategorian, Madrileko Oso eta Maroño eskrima klubeko Lucia Martin-Portugues izan zen txapelduna, titulua berretsiz, Madrilgo Eskrima Klubeko Araceli Navarro garaituz. Madrileko Oso eta Madroño eskrima klubeko Celia Perezek eta Maria Venturak osatu zuten podiuma.
Fortuna kirol elkarteak azpimarratu duenez, txapelketak “parte-hartze errekorra” izan du, eta estatuko Sableko “garrantzitsuenetako bat” bihurtu da berriro.
