Zuhaizti plazako platanondoak kimatu dituzte
Zuhaizti plazako platanondoak inausi ditu udalak. (Argazkia: Inaxio Esnaola) 
Donostiako Udalak aste honetan kimatu ditu Zuhaizti plazako platanondoak. Ekologia sailak adierazi duenez, zuhaitzen adarrek “enbarazu” egiten zieten parkeko eserleku zirkularrean esertzen zirenei. Adar batzuk moztuta, zuhaitzek hazten jarraitzea bermatu nahi du udalak. “Itzala ematen jarraituko dute zuhaitzek, baina han esertzen diren eta handik pasatzen diren herritarrei molestatu gabe”, adierazi du Ekologia zinegotzi Marisol Garmendiak.
Platanondoen inausketa lanak. (Argazkia: Donostiako Udala)
