Miramongo Eureka! Zientzia Museoa. Eureka! Zientzia Museoak, maiatzaren 18an, Museoen Nazioarteko Egunaren harira, bisitari guztiei museoan doan sartzeko aukera emango die. Horrez gain, planetario-saioz betetako jarduera astronomikoen programa berezia eskainiko dute planetarium digitalean. Bertan, naturak eskaintzen duen “ikuskizunik ederrenetako batez” gozatu ahal izango da, hala nola, zeru izartsua ikusteaz, eta Donostiatik ilundu ondoren ikus daitezkeen izar, konstelazio eta planeta nagusiak erakutsiko dizkiote ikusleari.
Museoak 10:00etatik 19:00etara zabalduko ditu ateak, eta zuzeneko saioak planetariumean izango dira. Euskarazkoa 17:15ean hasiko da, eta gaztelaniazkoa, berriz, 18:00etan.
