Giro ederrean ari dira ospatzen Bidebietako Txanpontxo jaiak
Txanpontxo jaietako herri kirolak. 
Gaur amaituko dira Bidebietako Txanpontxo jaiak, eta antolatzaileek festen inguruko oso balorazio positiboa egin dute. “Kontzertuetan jende asko egon zen, disko festak ere arrakasta izan zuen adin guztietako jendea aritu zelako dantzan, eta orokorrean, dena oso ondo joan da”, adierazi dute.
Atzo, ordea, euriaren ondorioz uste zutena baino jende gutxiago egon zen sardina janean eta herri kiroletan. Eguraldi txarra zegoela eta, frontoian egin behar izan zituzten bi jarduera horiek.
“Festetan kolaboratu duen jende guztia eskertu nahi dugu, eta datorren urtean oraindik eta gogo gehiagorekin ospatuko ditugu Txanpontxo jaiak”, nabarmendu dute antolatzaileek.
Jarraian, festetako argazki galeria ikus dezakezue. Besteak beste, Txanpontxoren jaitsiera, jubilatuen etxeko miss eta mister txapelketa eta haurren jolasak bildu ditugu bertan.
