Donostiako San Juan de Dios zentroak zortzi errefuxiatu ukrainar hartu ditu
Emakume ukrainar bat, San Juan de Dios ordenaren zentro batean. (Argazkia: San Juan de Dios) 
Donostiako San Juan de Dios zentroak Ukrainatik gerratik ihesi heldu diren zortzi errefuxiatu hartu ditu, Juan Ciudad Fundazioak koordinatutako eta Gizarteratze, Gizarte Segurantza eta Migrazio Ministerioak sustatutako harrera programaren barruan. Gipuzkoako San Juan de Dios zentroek, guztira, 28 errefuxiatu ukrainar hartu dituzte: Donostiakoak zortzi eta Arrasatekoak hogei.
Errefuxiatuak bi logela indibidualetan eta bi pertsonarentzako hamabost logelatan egongo dira, eta gune komunak, arropa garbitzeko zerbitzua eta sukaldea izango dituzte. Era berean, gizarte langileen eta itzultzaileen arreta indibidualizatua eta integrala izango dute, baita laguntza psikologikoa, formakuntzaren arlokoa eta lanaren arlokoa ere. Printzipioz, sei hilabeterako hartu dituzte, baina gerraren eboluzioaren arabera egonaldia aldatu daiteke. Hain zuzen ere, etorkizunean gaztelaniazko klaseak emango dizkiete, eta adin txikikoen eskolaratzea ahalbidetuko dute.
“Oso egoera dramatikoa bizitzen ari diren pertsonak dira, eta hasiera-hasieratik baloratzen dugu instalazioak errefuxiatuen eskura jarri nahi genituela, baina, batez ere, gure izpiritu abegitsua eta gure jakintza profesionala eta kea dariela”, adierazi du Asier Juanek, egitasmoaren koordinatzaileak.
