Maiatzaren 31ra arte aurkeztu daitezke Zinea atariaren Kritika Lehiaketarako proposamenak
Zinea atariaren VIII. Kritika Lehiaketa abian da. 
Zinea atariaren VIII. Kritika Lehiaketarako proposamenak maiatzaren 31ra arte aurkeztu daitezke info@zinea.eus helbide elektronikoan. Parte-hartzaileek 2021etik aurrera estreinatutako euskal film baten kritika aurkeztu beharko dute, eta irabazleak Zinea atarian urtebetez zinema-kritikari gisa aritzeko aukera izango du. Irabazlea ekainaren erdialdean jakinaraziko da, www.zinea.eus atarian.
Deialdira aurkeztutako kritika guztiak Zinea atarian argitaratuko dituzte lehenengoz eta, ondoren, Ganbara datutegian jarriko dituzte. Kritika bidaltzen duen hautagai orok bere lana argitaratzea onartuko du, beraz.
