Zipotz jaietako areto futbolaren txapelketa berreskuratu dute
Motzagoa izango den arren, aurten egin ahal izango dute Groseko Zipotz jaietako areto futbolaren txapelketa. Uztailaren 11tik 16ra jokatuko da txapelketa Manteo kiroldegian. Data aldetik estuago ibili dira adierazi dute antolatzaileek, eta txapelketa motzagoa ez ezik, talde kopurua ere mugatua izango da.
Gehienez zortzi taldek parte hartu ahalko dute. Horrela, zenbat eta lehenago izena ematen dutenei emango diete lehentasuna. Astean zehar, 18:00etatik aurrera izango dira partidak. Uztailaren 16ko finala, berriz, goizean jokatuko da. Parte hartzeko prezioa 30 eta 50 euro bitartekoa izango da, talde kopuruaren arabera. Egutegia zehazterakoan taldeei informazioa jakinaraziko diete antolatzaileek.
Izena emateko posta elektroniko honetara idatzi behar da uztailaren 8a baino lehen: zipotzfutsal@gmail.com. Eman beharreko datuak dira taldearen izena, eta ordezkariaren telefonoa eta posta elektronikoa.
