Ani Perez Ruedak 'Alternatiba faltsuak' liburua aurkeztuko du ostegunean Kaxildan
(Argazkia: Alvaro Minguito, El Salto) 
Azken hamarkadetan, eskola tradizionalari egindako kritikatik hezkuntza alternatiboko espazio ugari sortu dira eskola publikotik kanpo. Estatu kapitalistak kontrolatutako hezkuntzaren eta ustezko ihesbideen arteko dikotomia onartzeari uko eginez, alternatiba faltsuek agerian uzten dute zer ezkutatzen den proposamen horien aurpegi atseginaren azpian: izaera segregatzailea, funtzio pribatizatzailea eta aurrekontu pedagogikoen premisa liberalak.
Honela aurkezten da Ani Perez Rueda hezkuntzan doktoreak idatzitako Las falsas alternativas (Alternatiba faltsuak, Virus argitaletxea, 2022). Pedagogia alternatiboei kritika gogorra egiten die Perezek, ezkerreko mugimendu askotan eztabaida ugari piztuz.
Ani Pérez Rueda (Madril, 1986) Hezkuntza Doktorea Madrilgo Unibertsitate Autonomoan eta militantea, hainbat gunetan parte hartu du mugimendu sozialen eta mugimendu libertarioaren barruan. Azken urteotan, liburu hau sorrarazten duen doktore-tesia garatu du, eta hitzaldi eta eztabaida ugari eragin ditu. Bihar, osteguna, Kaxildan egingo du hitzaldia, 19:30ean.
