Estropada bat irabaztea ez da nahikoa bandera eskuratzeko
Donostia Arraun Lagunak izan zen onena Coruñako bigarren jardunaldian, baina Oriok astindu zuen bandera bi jardunaldiak aintzat hartuta.
Donostia Arraun Lagunakeko neskak, Galiziako uretan. (Argazkia: Concello da Coruña) 
Asteburuan bi estropada izan dituzte Coruñan (Galizia), baina bandera bakarra zuten jokoan Euskotren eta Euskolabel ligetan. Emakumezkoetan, Oriok erakustaldia emanez irabazi zuen larunbateko lehen jardunaldian. Atzoko estropadan, berriz, Donostia Arraun Lagunak izan zen onena. Aldiz, Donostiarra hirugarren izan zen herenegun, eta laugarren atzo. Tolosaldearekin lehia estua izaten ari dira. Bandera Oriok astindu zuen, baina Euskotren ligako lidergoa donostiarrek berreskuratu zuten. Halere, sailkapen buruan 14 punturekin berdinduta daude bi taldeak.
Gizonezkoetan, Donostiarrak ez zuen asmatu larunbateko lehen jardunaldian, eta onenen txandako azkenak izan ziren. Dena dela, atzo egoerari buelta eman eta bigarren tokian bukatu zuten. Horri esker, Euskolabel ligako lidergoa berreskuratu dute 43 punturekin. Urdaibai izan zen onena bi jardunaldietan, eta sailkapeneko bigarren tokiraino igo dira.
KAE 2 ligan, berriz, Donostiarraren bigarren taldea bigarren sailkatu zen Portugaleteko bi jardunaldietan. Bietan, Lapurdi indartsuaren atzetik. Sailkapen nagusian, bigarren lekuan daude 34 punturekin.
EMAITZAK
Euskotren liga
V. Coruñako bandera, lehen jardunaldia (uztailak 9, larunbata)
01. Orio 11:00,26
02. Donostia Arraun Lagunak 11:07,34 +7
03. Donostiarra 11:11,86 +11
04. Tolosaldea 11:15,16 +14
V. Coruñako bandera, bigarren jardunaldia (uztailak 10, igandea)
01. Donostia Arraun Lagunak 10:56,50
02. Orio 10:58,22 + 1
03. Tolosaldea 11:06,02 +9
04. Donostiarra 11:11,18 + 14
Euskolabel liga
VI. Coruñako bandera, lehen jardunaldia (uztailak 9, larunbata)
01. Urdaibai 20:17.26
02. Orio 20:24.70 +7
03. Hondarribia 20:27.90 +10
04. Donostiarra 20:32.72 +15
05. Getaria 20:40.62 +23
06. Lekittarra 20:46.80 +29
07. Ares 20:48.14 +30
08. Kaiku 20:49.40 +32
09. Zierbena 20:51.92 +34
10. Ondarroa 20:52.08 +34
11. Santurtzi 20:52.90 +35
12. Cabo 21:00.18 +42
VI. Coruñako bandera, bigarren jardunaldia (uztailak 10, igandea)
01. Urdaibai 20:10.88
02. Donostiarra 20:12.70 +1
03. Hondarribia 20:15.34 +4
04. Orio 20:24.50 +13
05. Kaiku 20:25.72 +14
06. Getaria 20:27.18 +16
07. Zierbena 20:28.02 +17
08. Ondarroa 20:32.60 +21
09. Santurtzi 20:38.18 +27
10. Ares 20:38.50 +27
11. Lekittarra 20:39.70 +28
12. Cabo 20:50.96 +40
