Guillotina jaialdia bueltan izango da irailean
Irailaren 3an itzuliko da Guillotina Festa, autoedizio azoka. Sortzaile grafikoentzat, argitaletxe txikientzat eta DIY musika zigiluentzat topaketa bat izan nahi du, besteak beste, Guillotinak. Bertan fanzineak, liburuak, kaseteak, LPak, posterrak, kamisetak eta bestelakoak erosteko aukera izango da, sortzaileen eskutik, eta sortzaileak ezagutuz.
Lehen aldiz Añorgako zinema zaharrean egingo da, eta zerbait antolatu nahi duenari deia egin diote: “Zure autoeditatutako fanzine, liburu, Lp, kasete eta bestelako material grafikoarekin postua jarri nahi baduzu, zure liburuaren aurkezpena egin nahi baduzu, edo bertan tailer bat antolatu nahi baduzu idatzi iezaguzu”. Hau da jarri duten kontakturako helbide elektronikoa: guillotinafesta@gmail.com
