Los Sanchos donostiarrek euren lehen kanta kaleratu dute
Los Sanchos laukote donostiar berriak bere burua aurkeztu du La Carga abestiarekin. Spotifyn entzun daiteke estudioko bertsioa, eta zuzeneko bertsioa duen bideoa Youtuben. Uliako lore baratzetan grabatu dute bideoa, Arriguri ekoiztetxearekin.
Proiektua 2021ean sortu zuten Cohen eta Hyedrako kideek, eta, hilabete batzuk geroago, laukotea estudioan sartu zen, Escaso entusiasmo diskoari forma emateko. Lehen album hau taldeak berak autoekoiztuko du (Navalla Discos eta Mise-En-Scène Productionsekin batera) edizio mugatuko binilo batean, eta oraindik iragartzeke dagoen aurkezpen kontzertu sorta batekin batera joango da.
