Porrontxo jaietako haurren esku pilota txapelketan izena eman daiteke dagoeneko
2019ko Porrontxo jaietako haurren txupinazoa eta jaitsiera. (Argazkia: Beñat Parra) 
Hilabete eta erdi gelditzen da Egiako Porrontxo jaiak hasteko, eta jaiak presente egoten hasiak dira auzoan, eta Porrontxoetako Haurren Binakako II. Esku Pilota Txapelketan izena emateko epea ireki dute dagoeneko. 2010etik 2013ra jaiotako haurrek hartu dezakete parte, eta bikoteek hilaren 26a baino lehen eman beharko dute izena, Koskorrio tabernan, 2 euroren truk.
Irailaren 1ean hasiko dira norgehiagokak jokatzen, 17:30ean, eta irailaren 18an, Porrontxo jaiak bere horretan ospatzen ariko direnean, jokatuko dituzte finalak.
