Añorga Arkaitz dantza taldeak ikuskizun ederra eskaini du Parte Zaharrean
Añorgako Arkaitz dantza taldeko dantzariak, Konstituzio plazan eskaini duten ikuskizunean. (Argazkia: Beñat Parra) 
Aste Nagusi bete-betean murgilduta dago Donostia, eta gaurkoa, hilaren 15a, da egun handia, Ama Birjinaren eguna. Horregatik, ohiko legez, Añorgako Arkaitz dantza taldeak ikuskizuna eskaini du Parte Zaharrean, Donostiako Festakek antolatuta.
12:00etan abiatu dira kaitik, eta auzoko kaleetatik ezpata dantza eta brokel dantza eskaini diete handik zebiltzan herritarrei. Ondoren, 12:30ean, Konstituzio plazara heldu dira dantzariak, hamarnaka lagun euren zain zituztelarik. Plazaren erdian jarri dira, eta dantza ikuskizuna eskaini dute; besteak beste, ezpata dantza eta aurreskua dantzatu dituzte. Jarraian, ikuskizunaren zati bat ikus dezakezue, bideoan:
