Gazte bat atxilotu dute Donostian, beste bati arma zuri batekin eraso egitea leporatuta
Ertzaintzak 17 urteko gizon bat atxilotu du gauean Donostian, adin bereko beste bati arma zuri batekin sorbaldan eraso egitea leporatuta. Udalak emandako informazioaren arabera, 03:40ean izan da gertakaria, Clara Campoamor plazan, eta ustezko erasotzailea handik gutxira atxilotu dute, inguruko taberna batean. Atxilotuak laban bat zeraman gainean, eta biktima ospitalera eraman dute.
