Realak garaipen batekin hasi du liga
Realeko jokalariak, Takeren gola ospatzen. (Argazkia: Reala) 
Realak igandean abiatu zuen 2022-2023ko denboraldiko liga, eta ezin hobeto hasi zuen, hiru puntu lortuta. Cadizeraino joandako 1.000 bat realzaleen babesarekin, talde andaluziarra garaitzea lortu zuen Imanol Alguacilen taldeak, Takeren golari esker. Debuta egin zuen japoniarrak, eta Merinoren pase bikain bati esker gol batekin ospatu ahal izan zuen bere debuta.
Arraunean, Donostia Arraun Lagunak Euskotren liga lehiatzeko aukerarik gabe gelditu da dagoeneko, Oriok irabazi baitzuen Castro Urdialesko Bandera, talde donostiarrarekin lehia estu-estu bat izan ostean. Liga oriotarrena da dagoeneko, eta Donostia Arraun Lagunak bigarren postuarekin konformatu beharko da, liga amaitzeko bi jardunaldi gelditzen direnean. Donostiarrak hirugarren jarraitzen du, Tolosaldearen aurretik.
Eusko Label ligari dagokionez, Donostiarra zazpigarren gelditu zen Ondarroako Banderan, eta hirugarren Castro Urdialeskoan. Horrela, postu bat galdu du sailkapen nagusian, eta ligako hirugarrena da orain, 144 punturekin. Hondarribia eta Bermeo ditu aurretik.
KAE 2 ligan, Donostiarra B azkena izan zen Castro Urdialesko banderan. Ordea, ligan bigarren sailkatua izaten jarraitzen du.
