Skakeitanek bihar emango dio agurra Aste Nagusiko gauari
Skakeitan taldeak Flamenkan emandako kontzertu batean. (Argazkia: Donostiako Piratak) Asteazkenean kontzertua bertan behera utzi zen baina azkenean bihar, 21:00etan, Skakeitan taldeak kontzertua eskainiko du Flamenka gunean. Eguraldiagatik Piratek bertan behera utzi zituzten Skakeitan eta 3gabe2 taldeek eskaini behar zituzten kontzertuak eta ematen zuen talde donostiarrak ezin izango zuela bere azkeneko biran Aste Nagusian emanaldirik eman. Baina taldeak eta Piratek ez dute etsi eta bihar Aste Nagusiaren gauari agur esateko aukera izango dute.
