Gabonetako Merkatuan postu bat jartzeko eskaera epea irailaren 12an amaituko da
Gabonetako Merkatuka. (Argazkia: Alvaro German Vilela) 
Donostiako Gabonetako Merkatua osatuko duten 50 etxoletako bat eskatzeko epea astelehenean amaituko da, irailaren 12an. Aurten, Genovarekin batera, Gabonetako Europako Hiriburua izango da. Interesa duten saltoki guztiek www.donostiagabonetakoazoka.eus webgunera bidal dezakete eskaera egun horretara arte.
Gabonetako Azoka hurrengo produktuen salmentara egongo da zuzenduta: gabonetako janari tipikoak (gabonetako produktu tipikoak eta sasoikoak, gozokiak, gozo-dendak eta gozogintza, aukerako kontserbak edo fruitu lehorrak), jostailuak eta gabonetako haurrentzako opariak (gabonetako umeentzako jolasteko gaiak, jostailuak, eskulanak, liburuak edo ipuinak esaterako), artisautza gaiak eta gabonetako opariak (artisautza, apainketa, antzinako altzariak, bitxiak, jantziak, kapelak edo eskularruak esaterako, zeramika, urregintza, pintura edo gabonetako musika-tresna tipikoak) eta gabonetako apainketa (jaiotza tradizionalarekin, irudiekin eta osagarriekin lotutako gaiak, gabonetako mahai-tresnak, argiak, girlandak, apainketa eta gabonetako apaingarriak edo gabonetako loreak).
Etxolak eta food-truckak egunero egongo dira irekita azaroaren 25etik urtarrilaren 6ra arte, abenduaren 25 eta urtarrilaren 1ean ezik. 11:00etatik 21:00ak egongo dira zabalik.
Prezioak
Sei asterako prezioa (azaroaren 25etik urtarrilaren 6ra): etxola txikiak 1.694 euro eta etxola handiak eta food-truckak 2.480,50 euro. Hiru asterako prezioa (azaroaren 25etik abenduaren 16ra eta abenduaren 17tik urtarrilaren 6ra): etxola txikiak 895,40 euro eta etxola handiak eta food-truckak 1.294,70 euro.
