Igandean itxiko dute Egiako Emakume* Brigadan izena emateko epea
2018an Porrontxo jaietan sortu zuten
Emakume* Brigadaren agerraldia. (Argazkia: Nerea Lizarralde Rodriguez) 
Heltzear dira Egiako Porrontxo jaiak, eta jaietan gertatzen diren eraso matxisten aurkako lanean ariko da aurten ere Egiako Emakume* Brigada. Horrela, brigadarekin bat egin nahi duen oro izena ematera deitu dute; Goraegia.eus atarian eman daiteke izena, igandera arte (hilak 11).
Ondoren, garatu duten protokoloaren aurkezpena eta zapien banaketa egingo dute asteazkenean, hilaren 14an, Plaza Gorrin, 19:00etan. Nabarmendu dutenez, “ezinbestekoa” da brigadan parte hartuko duten guztiak han izatea. “Ederra izan da urteotan sortu dugun sarea, aurten ez dadila gutxiago izan”, gaineratu dute.
