Kontxako Bandera irabazteko aukera dute
Donostia Arraun Lagunakek 2.16 segundoko desabantaila du, eta Donostiarrako mutilek zazpi segundo luzekoa.
Orio eta Donostia Arraun Lagunak, lehendabiziko jardunaldian. (Argazkia: Joseba Parron San Sebastian) 
Gaur jokatuko da Kontxako Banderaren bigarren jardunaldia, eta ez dago ezer erabakita. Emakumezkoetan Oriok eta gizonezkoetan Hondarribiak dute abantaila. Lehen jardunaldiko onenak izan ziren, eta dena alde dute, harturiko errentak zeharo erabakigarriak ez diren arren. Donostia Arraun Lagunakek 2.16 segundoko desabantaila gainditu beharko du bandera astintzeko, eta Donostiarraren mutilek zazpi segundo luzeko tartea jan beharko dute.
Nesken lehia 11:00etan hasiko da, eta lehenik kontsolazio txandakoak ariko dira: Tolosaldea, Hibaika, Cabo eta Chapela. Ondoren, ohorezko txandaren unea izango da. Donostia Arraun Lagunak, Donostiarra, Orio eta Hondarribia nor baino nor ariko dira. Bigarren urtez jarraian bandera irabazteko onena eman beharko du Donostia Arraun Lagunakek.
Kaleen zozketa egin dute gaur goizean udaletxean:
Kontsolazio txanda
- Cabo
- Tolosaldea
- Chapela
- Hibaika
Ohorezko txanda
- Orio
- Donostiarra
- Donostia Arraun Lagunak
- Hondarribia
Hona hemen lehen jardunaldiko denborak:
- Orio 10:37.52
- Donostia Arraun Lagunak 10:39.68 (+2.16)
- Hondarribia 10:50.47 (+12.98)
- Donostiarra 10:50.82 (+13.30)
- Tolosaldea 10:52.83 (+15.31)
- Hibaika 10:57.91 (+20.39)
- Cabo 10:59.65 (+22.13)
- Chapela 11:15.18 (+37.66)
Mutilen estropada, berriz, 12:00etan abiatuko da. Kontsolazio txandakoak izango dira arraun egiten lehenak: Orio, Zierbena, Kaiku eta Ondarroa. Aldiz, ohorezko txandan ariko dira Donostiarra, Urdaibai, Hondarribia eta Getaria. Esan moduan, Donostiarrak zazpi segundoko desabantailari aurre egin beharko dio banderaren lehian izateko.
Kaleen zozketari dagokionez, hauxe da egokitu dena:
Kontsolazio txanda
- Orio
- Kaiku
- Ondarroa
- Zierbena
Ohorezko txanda
- Getaria
- Hondarribia
- Urdaibai
- Donostiarra
Hauek dira lehen jardunaldiko denborak:
- Urdaibai 19:21.56
- Hondarribia 19:29.20 (+7.64)
- Donostiarra 19:29.26 (+7.70)
- Getaria 19:44.98 (+23.42)
- Orio 19:50.58 (+29.02)
- Zierbena 19:58.40 (+36.84)
- Kaiku 20:18.30 (+56.74)
- Ondarroa 20:25.14 (+1:03.58)
