Aste osoko egitaraua prestatu dute Porrontxoetarako

2022/09/12

Bueltan dira Egiako Porrontxo jaiak, astebeteko egitarau zabalarekin. Hilaren 12an hasiko dira jaiak, eta 18an amaituko dira, eta haur, gazte zein helduentzako askotariko jarduerak antolatu dituzte. Astelehenetik asteazkenera hainbat jarduera egongo badira ere, ostegunean hasiko da jaien zatirik indartsuena, txupinazoarekin eta kuadrillen jaitsierarekin. Aurten, gainera, 40 urte beteko dituzte Porrontxoek, eta hedabide honek jaien ibilbidea errepasatu zuen joan den astean, erreportaje zabal batean. Jarraian, egitarau osoa:

Irailak 12. Ajea arintzeko… ur jolasak!

16:00etan, haurrentzako apar festa, barredora eta puzgarriak, Navaren eskutik, Plaza Haundin. Donostia Kultura.
17:00etan, txirrista erraldoia haurrentzat, Plaza Haundi ondoko aldapan.

Irailak 13. Sudur finen eguna!

17:00etan, Antxeta-Ttanttakunen eskutik, jolasak haurrentzat (6 urtetik gorakoentzat), Plaza Haundin. Haurrentzako jolasak gune desberdinetan antolatuta (0-6 urte), Egihaurgunearen eskutik, Plaza Haundin.
18:00etan, txokolate jana Plaza Haundin, trikitilariek alaituta.

Irailak 14. Kultour egian barrena!

17:00etan, haur eta gazteentzako jolasak, Plaza Haundin. Haurrentzako eko jolas ikastaroak, Egihaurgunearen eskutik, Plaza Haundin.
18:30ean, tale ikastaroa, Plaza Haundin.
20:00etan, eraso sexisten aurkako argazki familiarra. Etorri blusa jantzita. Plaza Haundin.

Irailak 15. Gora gu ta gutarrak!

17:00etan, Aldakoneako Zaharren egoitzan Iker eta Amelia trikitilarien emanaldia. Buruhandiak eta erraldoiak, Lagunak txarangak lagunduta.
17:30ean, txupina, Iritsi dira Porrontxo jaiak kanta abestuz.
17:35ean, haur jaitsiera Porrontxorekin, Porrontxarekin eta buruhaundiekin, Lagunak txarangarekin alaituta.
18:00etan, haur dantzaldia Fresa Morango DJ-en eskutik, Plaza Haundin.
19:00etan, gazteak eta ez hain gazteak… Karrozak tuneatzera Etxabeko plazan (gasolinazko motorra, turbo edo antzeko tramankuluak debekatuta daude).
20:00etan, pregoia eta txupinazoa Karmengo Amatik (pregoilariak: Ainhoa eta Olarra).
20:01ean, kuadrillen jaitsiera. Azkena ipurdi gizena! Porrontxo eta Porrontxarekin batera, Egia Sound Systemekin eta Lagunak txarangarekin, Karmengo Amatik.
22:00etan, karaokea Plaza Berriko karpan. Musika emanaldia Plaza Haundin, Josu Rodriguez DJ-aren eskutik.
22:30ean, ohitura onak ez galtzeko, Baldarrak txaranga auzoan zehar.

Irailak 16. Haur, gazte eta beteranoen eguna!

08:00etan, diana dultzaineroekin, auzoan zehar.
11:00etan, haurren entzierroa, Tejeria kalean.
12:00etan, hamabietakoa, Plaza Haundin. Bi Ipuin ikuskizuna Tomaxen Abenturaken eskutik Plaza Haundin. Donostia Kultura. Auzoko adinduek sustatutako artelanen erakusketa, Garraxi tabernan.
14:30ean, gazte herri bazkaria, Plaza Berriko karpan.
16:30ean, buruhandiak, erraldoiak eta Egia Sound System, auzotik. Aurten, ‘animaliaz’ etorri mozorrotuta!
17:00etan, Pasai txaranga, auzoan zehar.
17:30ean, haurrentzako herri kirolak, Plaza Haundin, Kulkiren eskutik.
19:00etan, Jaitsiera 2.0 Elektrotxarangarekin, Hirutxulora.
20:00etan, afari-merienda haurrentzat, Plaza Haundiko pilotalekuaren ondoan. Txartelak Arkatza liburu dendan (osteguna, 15, azken eguna txartelak erosteko).
20:30ean, dantzaldi sorpresa haurrentzat, Plaza Haundin.
21:00etan, beteranoen afaria, Tejerian.
21:30ean, zezensuzkoa, Tejeria kalean. Egiako IV. Mendi Bizikleta Lasterketa Urbanoa (Enduro). Dena erronda batera. Aldapa 71tik Ametzagañako eskaileretaraino. Pizzeria Taba-Arizmendiren laguntzarekin.
22:00etan. erromeria, Biziraun taldearen eskutik, Plaza Haundin. Gazte kontzertuak: Indabe, Zhiakus & Durum Solo Karne eta Droga Purpura DJ-a, Plaza Berriko karpan.
23:00etan, guatekea, Tejeria Kalean.
00:00etan, kuadrillen joko musikatuak, banana dantza eta aulki dantza, Plaza Haundin. DJ Bull handia Plaza Haundin.

Irailak 17. Elkartasun eguna

08:00etan, Lagunak txaranga auzoan zehar, Txoko Berri Zahar etxeko lagunei bisitarekin.
09:00etan, txistulariak, Kzizpiren eskutik, auzoan zehar.
11:00etan, pintura lehiaketa haurrentzat El Estudio arte akademiaren eskutik (akuarelak, argizariak, koloretako arkatzak, errotuladoreak… Norberak ekarri behar ditu), eta, ondoren, txokolate jana, Gladys Enea parkean. Pizzak egiteko ikastaroa, haurrentzat, Taba-Arizmendi pizza etxearen eskutik, Tabakaleran (haurrak gurasoak lagunduta joan beharko dira. Arkatza liburudendan apuntatu, 8 urtetik gorakoentzat). Jotak, Nafarroatik zuzenean Plaza Haundin. Gora la Nabarra maritima!
12:00etan, ipuin kontalaria Egia Zeinukaren eskutik, Gladys Enea parkean. Kantujira auzoan zehar, Katan hasita. Porrontxoetako II. Danborrada.
12:30ean, Dantza Kale Pote, kuadrila beteranoen eskutik, auzoan zehar.
14:30ean, Denak Etxera herri bazkaria, Plaza Haundin (txartelak Koskorrio eta Kata tabernetan).
16:00etan, emanaldia La Jodederarekin, Plaza Haundin. Mus txapelketa, Agreda tabernan.
17:00etan, buruhandiak eta erraldoiak, Kaña2kaña trikitilariek alaituta. Haur jolasak. Margoketa txokoa, aurpegi margoketa, txapak, jolas erraldoiak eta jolas dinamizatuak, Gladys Enean. Egiako haurtxokoaren eskutik. Eskubaloi txapelketa kiroldegian, Egia Eskubaloiaren eskutik.
18:00etan, Ttek elektrotxaranga, auzoan zehar. Beteranoen jolasak, Tejeria kalean.
19:30ean, Trebeska dantza taldearen eskutik, emanaldia Plaza Haundin.
20:00etan, Plaza Berriko karpan kontzertua: Gera.
21:00etan, zezensuzkoa, Tejeria kalean.
21:30ean, kuadrillen afaria, Tejeria kalean.
22:00etan, Iraunkorrak txaranga, auzoan zehar.
23:00etan, kontzertua: Los Zopilotes Txirriaos, Plaza Haundin. Distopia Mitante eta Sideral Beats DJ-ak, Tejerian, Agreda tabernaren parean.
00:30ean, kalejira Porrontxorekin, Porrontxarekin eta Zanpanzarrekin.
01:00etan, Rock Kam Broom Rock musika ibiltaria, auzoan zehar. Erromeria gaua Laiotzen eskutik, Plaza Haundin. Fresa Morango DJ-ak, Plaza Berrin.

Irailak 18. Euskal jaia

07:00etan, herri txaranga, Pasai txarangarekin. Gaupaseroen martxa!
10:00etan, herri zunba, Plaza Haundin. Gaupaseroek mugitu gerria!
10:30ean, pilota finalak frontoian, trikitilariek alaituta.
11:00etan, txistulariak auzoan zehar, Kzazpirekin.
12:00etan, sagardo dastaketa, trikitilariek alaituta, Plaza Haundin.
14:30ean, herri bazkaria, Plaza Haundin Donosti-Gain, Ur-Zaleak eta Arrano elkarteek antolatuta.
17:00etan, herri kirolak Gure Esku Dago taldearekin, Plaza Haundin.
17:30ean, kontzertuak, Plaza Berrin: Aphaxia eta Gilda.
19:00etan, sardina jatea Plaza Haundin, Txaro arrandegiaren eskutik. Kontzertua: Alarma Morea, Plaza Haundin.
20:00etan, Kilkerband txaranga.
21:00etan, kalejira auzoan zehar, Porrontxorekin eta Porrontxarekin, Kilkerband txarangak alaituta. Azken traka, The Last One. Ez joan etxera auzoko argazkia atera arte!
00:00etan, Gui Ar De Guorld, Ostotsa tabernan.

Erlazionatutako edukia40 urte sudur puntan jartzen zaiena egiten