Doraemon izan da Porrontxoetako danborradaren protagonista
Danborradetako ohiko abesti asko jo dituzte, adibidez, Tatiago, kaleeak zeharkatzen zituztenean, baina ezohikoak diren kantak ere entzun ahal izan dira. Horien artean, Doraemonen abestia jo dute, ETB 1en oso ezaguna egin zen telesailarena.
2022ko Porrontxoetako danborrada Egiako kaleetatik. (Argazkia: Gorka Martinez) Porrontxoetako danborrada egin dute Egiako bizilagunek gaur goizean. Goiz eguzkitsua izan da eta Egiako kaleetako giroa paregabea izan da. Umeek, nerabeek eta helduek parte hartu dute, eta asko, mozorrotuta atera dira koloreetako ileordeekin, maskarekin eta mota guztietako txapelekin. Danborradetako ohiko abesti asko jo dituzte, adibidez, Tatiago, kaleeak zeharkatzen zituztenean, baina ezohikoak diren kantak ere entzun ahal izan dira. Horien artean, Doraemonen abestia jo dute, ETB 1en oso ezaguna egin zen telesailarena. Doraemonen kanta danborradaren ibilbidearen une askotan entzun ahal izan da, lehenik, Karmengo Andre Maria kalean, ondoren Ametzagaña kalean eta, azkenik, danborradaren amaieran. Dragoi Bolaren abestia ere jo dute danborradako une batean, baina katu kosmikoa izan da goizeko protagonista. Parte-hartzaileek festarako giroa izan dute eta abesti askotan dantza egiten egon dira, Egiako auzoa animatuz. Bizilagun asko hurbildu dira ikuskizuna ikustera, eta mugikorrekin argazki eta bideo anitz egin dituzte.
Jarraian danborradaren irudi bilduma ikus dezakezue:
