Hiru atxilotu Donostian, lapurtutako ibilgailu batekin modu arriskutsuan gidatzeagatik
Gipuzkoako Foru Aldundiaren eraikina, Gipuzkoa plazan.Gipuzkoako Foru Aldundia 
Ertzaintzak hiru gizonezko atxilotu ditu joan den igandean Erdialdean, lapurtutako ibilgailu batean “modu anomaloan” zirkulatzen harrapatu ondoren. Segurtasun Sailaren arabera, herritar batek deitu zuen Ertzaintzara autoaren gidaria bidean maniobra arraroak eginez zebilela jakitera emateko. Ertzaintzak autoa geldiarazi zuenean ibilgailua ordu batzuk lehenago lapurtu zutela egiaztatu zuen, eta hiru gizonezkoak atxilotu zituzten.
Susmagarriak miatu zituztenean, agenteek ustez “substantzia estupefaziente” bat zuten bi poltsatxo aurkitu zizkieten. Ebidentzia horien aurrean, patruilak gidaria eta bi bidaiariak atxilotu zituen autoa lapurtzearen delitua eta bide segurtasunaren aurkako delitu bat leporatuta.
Atxilotuak, 29, 34 eta 36 urtekoak, Ertzaintzaren egoitzara eraman zituzten, ondoren, agintari judizialaren eskuetan jartzeko.
