Gau Beltzaren inguruko hainbat jarduera antolatu dituzte Txominen
Haurrentzako Halloween tailerra, Txomineko haurtxokoan. (Argazkia: Lanberri) 
Lanberri auzo elkartea iragan igandean hasi zen Txomiñeneko Gau Beltza prestatzen. Horretarako, haurrentzako eskulanen tailerra egin zuten haurtxokoan. Mozorroak eta bestelakoak egin zein marraztu zituzten haurrek.
Aldiz, igandean, hilaren 30ean, haurtxokoa beldurrezko pasabide bihurtuko dute, 20:00etatik. Haur eta familiei ohartarazi diete beldurrik ez izateko.
Azkenik, datorren astelehenean, hilaren 31n, arimen gaua ospatuko dute leku berean, 18:30etik aurrera. Haurrentzako merienda eta disko festa egongo da.
