Edurne Egaña kirol portuetako zuzendariaren kontrako kereila onartu dute, amarralekuen auziagatik
Bizirik dirauten lau arrantza ontziak; eta, eskuinean, bisitarientzako leku berria. Argazkia: Estitxu Zabala) 
Donostiako kaiko amarralekuen auzia gora doa, eta Edurne Egaña Euskal Kirol Portuetako zuzendariaren kontra jarritako salaketa onartu dute epaileek. Hiru delitu egozten dizkiote Egañari, prebarikazioa, derrigortzea eta jazarpena, hain zuzen, eta abenduaren 12an deklaratu beharko du.
EKPk 2021eko apirilean ekin zion portuko 384 amarralekuak berritzeko prozesuari. Ordea, kaian plaza bat izateko izangaien taldeek salatu zuten plaza gehienak orain arte okupatzen zituzten itsasontzi berberen esku geratzen zirela, eta akats zehatzak egin zituztela, administrazio-errekurtsoak aurkezteaz gain. EKPk, orduan, eten egin zuen amarralekuen banaketa akatsak zuzentzeko, eta hiru hilabeteko epea gehitu zuen zerrendak berrikusteko. Horren ondorioz, beste zerrenda bat sortu zen.
Salaketa jarri dutenen ustez, zerrenda berriak sortzeko prozesuaren ondoriozko egintzak jatorriz kaltetuta daude eta baliogabeak dira.
