Ategorrieta eraikina inauguratuko du Zurriola ikastolak
Zurriola ikastolaren Ategorrieta eraikina. (Argazkia: Zurriola) 
Hilaren 23an egingo dute Zurriolako ikastolaren Ategorrieta eraikinaren inaugurazio ofiziala eta bisita gidatua –10:00etatik 12:00etara–. Ikasturte hasierarekin batera estreinatu zuten Lehen Hezkuntzara bideratutako egoitza berria. Atarizar kaleko 18. zenbakian dago.
Ikastolen komunitateko ordezkariez gain, Donostiako Udaleko, Gipuzkoako Foru Aldundiko eta Eusko Jaurlaritzako agintariek parte hartuko dute. Baita ere, kulturgintzako beste hainbat ordezkarik.
