Plaza Berriaren 300. urteurrena ospatu dute
Parte Zaharreko plazaren jatorrizko izena berreskuratzearen aldeko topa egin dute hainbat herritarrek.
Plaza Berriaren aldeko topa egin dute, udaletxe zaharraren arkupetan. (Argazkia: Inaxio Esnaola) 
Gaur eguerdian aurkeztu dute Plaza Berria Berreskura Dezagun egitasmoa. Eguraldi kaskarrarengatik, udaletxe zaharreko arkupetan egiten dute aurkezpen ekitaldi berezia, eta ehun bat herritar elkartu dira.
Egungo izen ofiziala Konstituzio plaza bada ere, egitasmoak eraiki zenean jarri ziotena erabiltzeko eskatu du: Plaza Berria. Hain zuzen ere, Topa dagigun abestu eta sagardoarekin topa egin dute Plaza Berriaren mendeurrena ospatzeko.
Ekitaldiaren hasieran, bi bertso kantatu ditu Ekain Tolaretxipi gazteak, eta Arkaitz dantza taldeak Ezpata dantza eskaini du arkupetan. Jose Ignazio Ansorenak eta Xabier Muñozek jo dute pieza txistuarekin. Bestalde, Dani Goñi egitasmoko kidea arduratu da Plaza Berriaren historia errepasatzeaz. Topa egin ostean, Euskal Herrian euskaraz abestu eta Zazpi jauzi-ren doinuarekin dantzan aritu dira, besteak beste.
IRUTXULOKO HITZAk Plaza Berriaren inguruko erreportaje zabala argitaratu du.
Hona hemen, argazki bilduma:
