Donostian ere Santa eskean, auzoz auzo

2023/02/04

Ez da ohikoa Santa Ageda bezperak kaldereroen egunarekin bat egitea. Aurten ala izan da, eta, horregatik, ordutegiak moldatuta, goizetik abiatu dira auzo askotan. Antiguan, Antigutorrak elkartekoek presoen aldeko koplak abestu dituzte. Herreran, bi taldetan aritu dira, auzo elkarteak antolatutakoa bata, eta musika eskolak antolatutakoa bestea. Elkarrekin aritu dira Gaiztarron.