Villa Galdosen eraistea salatu du Ancora elkarteak
Villa Galdos eraikinaren eraistea. (Argazkia: Ancora) 
Villa Galdosen eraistea salatu du Ancora elkarteak. Jose Maria Galdos Zubia enpresariak sustatutako etxea Aldapeta kalean dago, Aldamako markesen finka zaharraren lurretan.Luis Peña Gantxegi eta Iñaki Galarraga arkitektoek eraiki zuten etxea.
Ancorak 2017an proposatu zuen Villa Galdos babestea, 1970eko hamarkadan bizitegi-tipologia horren adibide adierazgarritzat jo baitzuen. Orain, igerilekudun 6 etxebizitzako bloke trinko batek ordezkatuko du, eta “luxua maite dutenentzat haute couture” (sic) promozio gisa iragarriko da. “Espekulazio eragiketa berri horrek agerian uzten ditu HOEBPBaren gabeziak, badiaren inguruko hormigoitzea larriagotuz”, salatu du elkarteak. “Hirigintzako zinegotziak baimendu du 850 m2-ko eraikigarritasuna handitzea lurzati horretan, eta horrek ia 230.000 euroko diru-sarrera eragiten dio Donostiako Udalari”, gaineratu du Ancorak.
Luis Peña Gantxegi (1926-2009) bere belaunaldiko euskal arkitektorik garrantzitsuena izan zen, Ancoraren arabera. Donostiako arkitektura eskola sortu zuen eta bere izena daramaten Arkitektura Sariak inspiratu zituen.
Villa Galdos eraikina. (Argazkia: Ancora)
Villa Galdos eraikina zegoen tokian eraikiko dituzten etxebizitzak, igerileku eta guzti.
