Bidebietako Bideak auzo elkartea sendotzen ari da
Bidebieta auzoa. (Argazkia: Beñat Parra) 
Bidebietan Bideak auzo elkartea sortu zuten 2022aren bukaeran, eta bazkideak eta kolaboratzaileak lortzeko kanpainan murgilduta daude orain.
Alde batetik, bazkide egin nahi izanez gero, avvbidebieta.bideak@gmail.com helbidera idatzita jarri daiteke auzo elkartearekin harremanetan. Bestetik, auzo elkarteko kideak Bidebietako establezimenduak bisitatzen hasiko dira, elkartearen laguntzaile izan daitezela proposatzeko. Dagoeneko hainbat establezimendu dabiltza Bideakekin elkarlanean, besteak beste, 25 urte bete berri dituen Erreka taberna.
