Goenaga Yogurrak taldeko txirrindulariak maila onean aritu dira Lea-Artibaiko lasterketan
Donostialdea Bizikletan taldeko Aimar Alarcia donostiarra bosgarren izan da Debako proban.
Goenaga Yogurrak taldeko txirrindulariak. (Argazkia: Markel Laskurain) 
Donostiako, Oarsoaldeko eta Bidasoako hiru txirrindularitza eskolek sorturiko Goenaga Yogurrak emakumezkoen taldeak neurria hartu dio denboraldiari. Asteburuan jokatu den Lea-Artibaiko lasterketan maila onean aritu dira.
Irati Mitxelena hendaiarra izan da taldeko onena hiru etapen ondorengo sailkapena nagusian, kadeteen mailako zortzigarren postuan sailkatuta, Paula Ostiz irabazlearengandik 09:52ra. Elena Cuenca taldekide irundarra 18. sailkatu da, 15:55era; Naira Espinosa hondarribiarra 10., 16:19ra; eta Noa Rodriguez hernaniarra, 24., 19:03ra.
Donostialdea Bizikletan taldeari dagokionez, Aimar Alarcia txirrindulari donostiarrak bosgarren postua lortu zuen joan den larunbatean, Deban, gazte mailako Amaikak Bat Sarian, Eneko Ortega irabazlearengandik bederatzi segundora iritsita.Taldeko beste hiru kidek ere amaitu zuten proba Unax Betelu donostiarrak (17. postuan, 01:56ra), Tasio Senperena astigartarrak (31., 04:00ra) eta Mattin Basurto donostiarrak (45., 05:27ra).
Atzo, berriz, Alarciak zazpigarren postua lortu zuen gazte mailako Elgoibarko Hiria Sarian, Eneko Ortega irabazlearengandik 58 segundora iritsita. Taldeko beste lau kidek ere amaitu zuten proba Unax Betelu donostiarrak ( 9. postuan, 01:18ra), Mattin Basurto donostiarrak (24., 04:02ra), Tasio Senperena astigartarrak (60., 09:21era) eta Beñat Ilzarbe donostiarrak (70., 11:00ra).
Kadeteen artean, Aimar Capdequi txirrindulari astigartarrak zazpigarren postua lortu zuen atzo, igandean, Eibartarra Trofeoan, tropel nagusian iritsita, Ibai Villate irabazlearengandik 33 segundora.Taldeko beste sei kidek ere amaitu zuten proba: Jaime Abalos donostiarrak (34., tropel nagusian, irabazlearengandik 00:33ra), Unax Otegi hernaniarrak (37, 00:33ra), Unai Iturrate donostiarrak (42., 00:33ra), Oier Galardi donostiarrak (45., 00:33ra), Beñat Igarategi donostiarrak (57., 01:09ra) eta Danel Txapartegi astigartarrak (65., 01:40ra).
