Amara Berrirentzat dituzten proposamenak aurkeztuko dituzte hautagai politikoek auzoan
Martzelino Soroa plaza, Amara Berrin. 
Amara Berriko auzo elkartea maiatzaren 28ko udal hauteskundeetara begira jarri da, eta solasaldiak antolatu ditu bost alderdi politiko nagusietako hautagaiekin. Auzo elkarteak Martzelino Soroa plazan duen lokalean egingo dituzte solasaldiak, 18:30etik 20:30era. Auzoarentzat dituzten proposamenen berri emango dute hautagaiek.
Gaur (hilak 18) hasiko da solasaldi zikloa, EAJrekin. Asteazkenean, aldiz, PP joango da, eta ostegunean Elkarrekin Donostia. Datorren astean, aldiz, PSE-EE joango da astelehenean, eta EH Bildu asteazkenean.
