Donostian izan da Cameron Jordan, New Orleans Saints taldeko izarra
Erik Jaka, Cameron Jordan eta Mikel Merino Trinitate plazako frontoian. (Argazkia: Reala) 
Cameron Jordan NFLko izarra Erik Jaka pilotariarekin eta Mikel Merino Realeko jokalariarekin izan da Donostian. NFL Network katerako Game recognize game saioaren atal bat grabatzen aritu da Euskal Herrian, eta atzo grabatu zuten Donostian. Saioa Ameriketako Estatu Batuetatik kanpo grabatzen duten lehen aldia da.
New Orleans Saints taldeko jokalaria da Jordan, eta Anoetan egon zen goizean Merinorekin. Txuri-urdinak makro ekoizpen horren gidari lanak egin zituen, eta biek jolas eta ariketa batzuk egin zituzten elkarrekin. Ondoren, Jaka pilotariarekin entrenamendu bat egin zuten Trinitate plazan. Ordu eta erdi inguruz aritu ziren bertako frontoian. Horrez gain, kamisetak trukatu zituzten hirurek.
Game Recognize Game saioaren aurreko atalek milaka ikustaldi dituzte, eta Euskal Herrian grabatu dutena irailean emango dute, NFLren Youtubeko kanalean. Saioa Ameriketako Estatu Batuetatik kanpo grabatzen duten lehen aldia da.
