Zaindu maite duzun hori
Zizelkaririk?
Ramon Labayen plazan dagoen Aita Donostiaren omenezko bustoan, gaztelania hutsez, ‘Padre Donostia’ jartzen du. Berria ez izanagatik, orain deitu dio arreta Hitzakide bati eta hala adierazi digu. Euskararen betaurrekoak jantzita ibiltzea nekeza da maiz eta mingarria askotan. Aita Donostiak burua altxatuko balu… Batzuontzat begi-bistakoa dena, besteentzat ezikusiarena egiteko aitzakia izaten da. Egongo da bada, zizelkaririk erremedio erraza duenari konponbidea jartzeko? Hala bedi.
