Ancient Settlers donostiarren trantsizioa
Ancient Settlers boskotea. 
Donostian sortu eta egonkorturiko Ancient Settlers metal boskoteak Transition lan berria argitaratu du –osorik entzun–. Lau abesti ditu eta azken hilabeteotan izan duten bilakaeraren isla da. Batetik, taldekide aldaketak izan dituztelako, eta, bestetik, musikalki bestelako ñabardurak erakutsi nahi zituztelako. Beraz, trantsizio moduko bat dela esan daiteke.
Argitalpenarekin bat eginez, The Circle kantaren bideoklipa aurkeztu dute, lan berriko berezienetakoa.
Ancient Settlers banda 2020an sortu zuten Donostian Carlos Chiesa Estomba eta Herman Riera venezolarrek. Estombak urteak daramatza hirian bizitzen, eta Irungoa du ama. Orain arte, hiru lan labur eta iraupen luzeko disko bat kaleratu dituzte. Egungo boskotea ondorengo musikariek osatzen dute: Genesis Farias (abeslaria), Carlos Chiesa Estomba (gitarra), Hernan Riera (bateria), Miguel Herrera (baxua) eta Agustin Martinez (gitarra).
