"Martutenera etorri gara bertako biztanleei esatera bulebarrean bizi direnak bezain donostiarrak direla"
Agerraldia egin du Victor Lasak Martutenen, auzoak dituen beharrei erantzuna eman asmoz. Lasaren hitzetan, “Martuteneko bizilagunak ez dira beste edozein donostiar bezala tratatuak sentitzen”. Eta auzoaren egoera horren froga dela adierazi du. Auzora joan dira “Martutene mapan jartzera eta bertako biztanleei esatera bulebarrean bizi direnak bezain donostiarrak direla”.
Arantza Gonzalezek bere hitzaldian defendatu duenez, hauteskunde hauek inflexio-puntua izan behar dute udalerri barruan: “Megaproiektuekin jarraituko den edo herritarren benetako beharrei erantzungo zaien erabakitzeko aukera dugu: bide-segurtasuna bermatzea, bereziki ikastolaren inguruan; bide publikoak garbitzea eta mantentzea; parkeak eta berdeguneak eraikitzea”.
Auzo elkarteek duten garrantzia nabarmendu dute: “Argi dago Donostiako auzoek ez dutela merezi duten guztia jasotzen. Baina, dirudienez, ez da hain nabarmena auzo-ekintzak horietako bakoitzean egiten duen lan gogorra. Hemen, gaur egun, auzo honetan, Martuteneko auzo elkarteak eta Martutene Bizirikek sortu zenetik ingurunearen eta bertako bizilagunen alde egiten duten lan handiaren balioa azpimarratu nahi nuke”.
Honakoak dira Martutenerako proposatzen dituzten neurriak: pasealekua oinezkoentzako bihurtzea, errepidea bi alboetatik moztu eta egoiliarrak eta garraio publikoa bakarrik sartuz; bidegorri paralelo bat eraikitzea, auzoa osorik zeharkatu eta Astigarragarekin lotuko duena; Behin-behineko biribilgunea kentzea; autobus geltoki guztiak berritzea; Barkaiztegiko auzokideentzako konponbidea trenbide pasagunea konpontzen den bitartean, egoiliarrentzako aldizkako minibusa eta taxi-bonua jartzea; proiektu sozio-ekonomikoaren lehiaketa Agustindarrak eremuarentzat.
