Txanpontxoren jaitsierarekin hasi dira Bidebietako jaiak

2023/05/11

Bidebietako jaiei hasiera eman diete arratsaldean, Txanpontxoren jaitsierarekin. Auzoko festei izena ematen dien pertsonaia ez da bakarrik etorri, ordea; erraldoiek eta buruhandiek lagundu diote, eta txaranga ere ez zen falta Bidebieta musikaz betetzeko. Auzoko haurrak Txanpontxoren zain zeuden 17:30ak jo baino lehen, eta etortzen ikusi dutenean, sekulako poza eta ilusioa sumatu da haiengan. Txokolatezko txanponak banatu dizkie Txanpontxok, eta horrela lehertu da festa.

Auzoa jai giroan murgilduta egongo da astelehenera arte, jardueraz beteriko asteburu luzea dute aurretik Bidebietakoek. Hemen kontsultatu dezakezue egitarau osoa. Jarraian, irudi galeria ikus dezakezue, jaien hasierak utzi dituen momentu onenekin: