Okendo Aldeko berdeguneak babesteko martxa bat egingo dute
Manteoko berdeguneetako bat. (Argazkia: Irutxuloko Hitza) 
Zemoria-Manteo, Denon Parkeak; Babestu eta hobetu! lelopean, Ulia Auzo Elkarteak martxa eta ekitaldi bat antolatu du ostegunerako, hilaren 25erako. 19:00etan abiatuko dira Groseko Okendo Kultur Etxetik eta Katalunia plazaraino joango dira. Okendo Alde eremuan daude Zemoria eta Manteo berdeguneak.
“Ekitaldi honen helburu nagusia hirian gure berdegune baliotsuak zaintzearen eta hobetzearen garrantziaz sentsibilizatzea da. Komunitateko buruzagiek, erakunde ekologistako ordezkariek eta Donostiako alkatetzarako hautagaiek parte hartuko dute, gai erabakigarri honen inguruan dituzten ikuspuntuak partekatuko dituztenak”, adierazi dute antolatzaileek.
Hain zuzen ere, Eneko Goiak (EAJ), Juan Karlos Izagirrek (EH Bildu), Marisol Garmendiak (PSE-EE), Victor Lasak (Elkarrekin Podemos) eta Borja Corominasek (PP) parte hartuko dute.
